<?xml version="1.0" encoding="UTF-8"?><song><author>Loring S. Williams</author>
<aka>Evening</aka>
<time_sig>7.7.7.7.</time_sig>
<title>Himak okhlili hoka ƲIT95</title>
<lyrics>[V1]
 Himak okhlili hoka,
 Ʋno sa fehna hokʋt,
 Chisʋs a̱ Shahli hoka
 In taloho̱wa lashke.

[V2]
 A̱ nukha̱klo fehna hosh,
 Nan achukma bieka
 Isht si a yukpali ka,
 Pit ahnihinchi lishke.

[V3]
 Hatak si achukma hosh
 Taloa li keyushke;
 Si okpulo fehna kʋt
 Ile pihi̱sa lishke.

[V4]
 Sa yoshoba chatuk osh,
 Sʋlbʋsha fehna hoke;
 Si a yʋmohmi kak osh,
 Chisʋs a̱ hoyo lishke.

[V5]
 Et a̱ nukha̱klo pullʋt,
 Chim anukfila hoka
 Is sa nukfokikbano;
 Aiahni li, Chisʋs ma!

[V6]
 Et sa halanli pullʋt
 Si apesahanchi na,
 Sa nusi achukma hosh
 Ninak hlopulli lashke.

[V7]
 Himak a ninak oka
 Sʋlla hinla ak inli;
 Sʋlli hokma, Chisʋs ʋt
 Ant sʋsht ia pullashke.

[V8]
 A̱ki ma! sa shilombish
 Chima sa bʋnna hoke;
 Chisʋs poyulla kak o̱,
 Is sʋm okchalinchaske.</lyrics>
<hymn_number>95</hymn_number>
</song>